相隔3年再合作　阿田祥仔嘟嘴合照晒默契

藝人田蕊妮（阿田）除咗係好戲之人，人緣仲非常好，時不時佢將同藝人嘅合照放上社交網站！雖然現年38歲，仍然童心未泯嘅佢就分享咗同阮兆祥嘅趣怪合照，相中佢哋2人嘟嘴扮錫錫，仲留言話：「龍飛也煞科了！《巨輪》與《巨輪2》雖然相隔3年，但倀雞英與龍飛黙（默）契依然！謝謝你祥仔！」原來阿田呢日為無綫劇集《巨輪2》拍煞科戲，之前佢亦都表示喺劇中已嫁阮兆祥，雖然角色上係夫妻關係，但係公然「咀嘴」，真老公杜汶澤會唔會呷醋？