歐陽震華揚言收視好將表演裸泳兼剃毛
20151102
東網電視
更多新聞短片
Bobby已經諗定收視好會點回饋觀眾。
藝人歐陽震華（Bobby）與萬綺雯（蚊蚊）到電台宣傳劇集《東坡家事》，Bobby表示劇集收視報捷，平均收視達24點，他笑說：「即係最高收視40點，最低8點，拉勻個中間數嘛。」
蚊蚊預告會拉大隊到Bobby的食肆慶祝。Bobby提到劇集收視33點的話，將會裸泳慶祝，他再誇下海口表示若收視40點，將會表演剃胳肋底毛（腋下毛）。Bobby坦言對首周平均24點收視點感到滿意：「依家啲收視唔知點計，好似6萬幾一點，即係證明社會發達，啲人多咗錢出街玩。」
返無綫感陌生
早前有指無綫內部高層有變動，其中監製徐遇安提早退休，Bobby說：「都好呀，退而不休，抖一抖嘛。（返無綫會感到陌生？）有呀，我唔係成日返去，一年返得一次半次，台前幕後都好多新同事，前排幫手拍咗條宣傳片，叫人投考助導，唔怕辛苦同捱眼瞓就嚟啦。」
自詡有艷福
提到Bobby早前主動與無綫簽約，他指衝破萬難才能與無綫簽約：「咁大機構，名牌嚟架嘛，唔做呢間做咩呀？本來想簽50年約，但驚冇咁長命，依家簽2年2套。」他透露新劇將與胡定欣飾演情侶，並自詡男藝人相當有艷福，因50多歲仍可與30多歲的女演員演情侶檔。
「東網巨星」fb專頁：
以抵死角度，分析各大娛樂新聞，加埋識睇一定要睇嘅網民妙論，包保享盡「Fun」秒，快啲入嚟畀Like啦。