可嵐馬路邊首次執導MV狂食塵

歌手可嵐日前為新歌《匆匆一生》MV首次執導，她透露今次自編自導自演共投資了五位數字，拍攝前還做了不少準備功夫，可嵐說：「拍攝前我睇咗好多外國MV做參考，又親自搵場景、分鏡頭，今次拍攝令我充分體驗到團隊合作嘅重要性。」

拍攝當日先在彌敦道取景，之後再移師到咖啡室及舊式升降機拍攝，可嵐最難忘的是在彌敦道拍攝期間，被迫要「食塵」當午餐，她說：「當日中午先到彌敦道馬路取景，由於啲車來往得好頻密，我又要夾口形扮唱歌，所以被迫一邊拍，一邊食塵，真係慘！」

另外，可嵐邀請了契細佬、無綫藝人黃毅進及新人張家琪參與演出，兼任導演的可嵐更親身向「弟弟」教戲，她續說：「《匆匆一生》MV故事講述一個年輕人（黃毅進演）為了堅持做一首好歌，冷落咗女朋友（張家琪）而面臨分手，好彩個年輕人最終得到女友諒解，和好如初。拍攝時，我有指導佢哋兩個人嘅表情同反應。」