胡定欣獲舊愛馬國明睇好攞獎：多謝支持

藝人胡定欣於電視城為劇集《城寨英雄》開工，透露尚有三星期便完成拍攝工作，由於一班劇組人員感情要好，故現在已感到不捨。談到舊愛馬國明揚言睇好她今年奪獎呼聲高，定欣聞言謂：「係咩？多謝佢支持我，我都會繼續努力，今年好開心，拍嘅劇有好口碑同收視，希望每年都有自己嘅代表作，知道keep住好難，都要靠運氣。」她更預告頒獎禮當晚，服飾方面不一定性感，但就會盡量以靚爆一面示人。

講到好姊妹胡杏兒即將生日，定欣表示當日要開工至翌日早上，故未能與對方慶祝，但已與杏兒備定案稍後補祝。問到今年是否杏兒最後一個單身生日？定欣笑謂：「知佢會返嚟過生日，咁睇吓當日有冇嘢宣布，有冇人送份大禮畀佢。（會唔會爬佢頭結婚？）爬唔切，其實最緊要有個愛人同佢慶祝啫，希望佢快啲，有啲喜事沖喜吓『胡說八道會』，搞旺個場。」