繼續遮樣　周董花式轉「西瓜」娛賓

台灣藝人劉畊宏與天王周杰倫（周董）一向老友鬼鬼，不過早前劉畊宏投資嘅「J Cafe」開幕，因店內擺放唔少周董照片，令粉絲誤會「J Cafe」係周董開嘅而慕名而去，當知道周董根本唔係老闆之一後就直指劉畊宏「消費好友」！

事件雖然搞到滿城風雨，不過一啲都冇影響劉畊宏同周董嘅關係。今日凌晨，劉畊宏喺微博上載咗兩張打籃球嘅相兼留言：「我和言承旭下午已經一起健身！晚上又一起打球到半夜。謝謝周奶爸的邀約，我們也是拼了！」而另一張相就話：「猜猜是誰把西瓜轉起來？」相中見到有個男人疑似用手指轉緊個西瓜嘅物體，雖然呢個男人畀個西瓜遮住咗半邊面，不過大家又點會唔認得係周董呢！