想去前老爺喪禮遭前夫拒絕 羅霖眼濕濕
20151103
東網電視
更多新聞短片
羅霖表示自己想去前老爺喪禮，但被前夫劉坤銘拒絕。
羅霖以主席評判身份出席2015「香港珠寶小姐」競選記者會，提到今日其前老爺出殯，羅霖直認不被邀請出席，她說：「我係冇被邀請，之後透過囝囝再問前夫，都係被拒絕，我有送花圈。（佢用咩理由拒絕？）囝囝話爸爸話唔使。我都想去見佢最後一面。（覺唔覺得佢好絕情？）前老爺好錫我三個仔，尋日細仔拖住我隻手話見到爺爺最後一面，講到喊，我都有喊，諗起以前嘅點點滴滴。」說時眼濕濕及語帶哽咽。
扮靚出活動感矛盾
在前老爺出殯的日子，她仍要打扮得靚靚出席活動，會否感矛盾？她坦言：「都會，但作為演員都要咁，感情放一邊，將最好一面見人。」她又指今年有三個親人，包括前老爺、外婆及姑婆相繼離世，心情上衝擊大：「對老人家要生前愛錫，死後係儀式，永遠在心中。」
拍動作戲拒用替身
另外，羅霖透露剛由泰國拍畢一部動作電影返港，笑言在當地拍戲儼如入軍營：「日日都有損傷，拍得辛苦，但食得好，服侍得好。成日要考我急才，因為武指即場教，我即場學，全程唔可以笑，因為我做個角色係殺手，要好cool，導演都擔心我，因為佢覺得我似易爛嘅瓷器，但後來發現我好捱得，乜都唔用替身，我仲學開槍，好好玩。」
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。