晒光頭Look！吳鎮宇親認諗過出家
20151103
東網電視
更多新聞短片
不過鎮宇後來都澄清咗，呢個只係新戲造型。
向來愛與粉絲於微博互動的吳鎮宇，昨晚突然上載一張汽車玻璃倒影相，照片中鎮宇以光頭Look及素服示人，並寫道：「我一意孤行，不要勸阻！阿彌陀佛！」未幾即引來極大回響，大批粉絲表示大吃一驚，擔心他是否已看破紅塵出家去。
光頭乃新戲造型
對於種種揣測，正忙於拍攝新片《脫皮爸爸》的鎮宇，接受電話訪問時哈哈大笑謂：「梗係唔係，我玩吓啫！就係知大家會咁反應，其實個look係造型，因為新戲角色有好多變化，成日要黐頭套，驚啲膠水會刺激到皮膚，我貪方便咪造咗個光頭頭套囉！尋日戴住頭套經過架車，見到自己個倒影幾得意，咁咪影張相同大家開個玩笑。」
問到身為虔誠佛教徒的他可曾想過出家，鎮宇不諱言表示有，幾年前更身體力行體驗過，他謂：「試過一次咁多，係短期幾日修行，但都要跟足剃晒頭、誦經嗰啲㗎，叫做了解多啲呢方面嘅嘢。」
演技大挑戰：1歲演到100歲
據知該片乃改編自香港話劇團的同名劇目，去年更於「第21屆香港舞台劇」獎榮獲七項殊榮。今次鎮宇需要由1歲演到100歲，可謂是演技大考驗，劇情講述他每次甩皮，就會年輕一歲，非常奇異。談到戲中經常要以不同look示人，又不時要黐頭套，可感辛苦，鎮宇笑謂：「都幾辛苦，但又幾好玩，咁依家都係開咗幾日工啫。」
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。