總投資共八位數　林夏薇做生意唔諗番本

藝人林夏薇今晚身穿Deep V裙在中環出席浴室品牌活動，問到結婚不久的她有否參與家居設計，她表示：「會畀吓意見，睇吓啲裝修，家係大家用心設計出嚟嘅。」

老公支持娛圈工作

早前她在新加坡「星和頒獎禮」奪得「女配角獎」，問到老公有否和她慶祝，她甜笑說：「佢（老公）有睇到新聞，有戥我開心，一齊食咗餐飯慶祝。（有送禮物？）冇送禮呀，在心中啦！」至於有冇信心在今屆台慶頒獎禮攞獎，她則說：「平常心啦，有得入圍已經好開心，咁上台同喺台下係唔同感覺嘅，做好自己，希望到時有機會上台，多謝曾經幫過嘅人。（老公有冇叫你減產？）冇喎，佢都好支持我工作嘅。」

屯門分店將開張

她又指現時搞生意仍在學習階段，其火鍋店的屯門分店已在試業階段，並即將開張，她說：「兩間舖總共投資咗八位數字。（有冇諗番本？）冇諗過，我開舖唔係為賺錢嘅。（會唔會再搵你啲韓國朋友嚟食嘢？）睇時間啦，大家都好忙。」