自從台灣天王周杰倫愛女小周周（Hathaway）出世後，囡囡嘅行蹤一直受到各界關注，但係經天王嘅嚴密保護之下，小周周一直很少露面，就連老婆昆凌都係依排先開始喺螢光幕前蒲頭！

啱啱周杰倫終於準老婆喺社交網站上面分享咗張夫妻合照，當中仲有台灣藝人方志友同老公楊銘威添！佢哋幾個拎住啲粉紅小飾物影相，後面布景版仲大大隻字寫住「Hathaway」，留言話：「100快樂。小周周！」原來今日係小周周出世滿百日，雖然相中小周周冇出現，但媽媽一身英倫校服look現身大騷美腿，力證產後身材依然冇走樣，而老公就一身全黑Man爆造型登場！