身兼三職忙爆 陳慧珊保靚樣踢走大眼袋
藝人陳慧珊（Flora）近期為健麗國際醫學美容集團擔任代言人，為此首次接受免開刀去眼袋療程的她日前於油塘拍攝廣告硬照，只見Flora全程狀態大勇，她率先以一身幹練白西裝及帽子現身，其後轉以休閒居家服上陣，呈現知性韻味！而她於拍攝硬照後即肉緊地與攝影師討論細節，表現專業！Flora於未埋位時又與工作人員輕鬆談笑，毫無架子，令拍攝現場氣氛愉快！
藝人媽媽學生
其後Flora解釋硬照造型分別代表其藝人、母親及學生的不同身份。談到近況，久未露面的她直言現時身兼三職，生活忙到爆：「我生活上扮演多個角色，例如藝人有時需要拍劇同出席宣傳活動，喺屋企就扮演媽媽角色，處理家頭細務；而最近我修讀大學博士學位課程，就成為學生！」
甚少做facial
美艷如昔的Flora自言日常絕少保養靚樣，但她面對忙碌生活造成的過大眼袋就不禁獻出又驚又喜的「第一次」︰「我向來甚少進行任何facial（美容護理項目）！早前到健麗完成咨詢後我都返屋企同家人商量及自己都做咗好多資料搜集，而且都需要時間去考慮。因第一次接受比較新的技術治療，難免會有少許擔心。總括完成治療後我都非常滿意！最重要佢哋嘅專業團隊每個步驟都向我講解非常清晰，排除了我不必要的顧慮，這個體貼度不是一般公司能夠做到。」
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。