馬國明未聞入房三秒續約：可能我唔緊要

藝人馬國明（馬明）到將軍澳電視城出席新劇《廉政行動2016》開鏡拜神儀式。

望與邱禮濤擦火花

雖然馬明直認目前連劇本都未收到，但第一次參與「廉政」相關劇的他大表期待：「呢個戲對我最中嘅吸引力係邱禮濤導演，我未拍過佢，一聽到導演係佢，我都未睇對手係咩人我就應承，希望會有火花，喺佢身上學到嘢。（想拍電影？）作為一個演員，咩都想拍。」

配音為配合角色

問到馬明今次可有後期配音的需要時，馬明就再重申現時熱播的無綫劇《梟雄》需配音是為了配合角色，要令觀眾合埋眼都感受到他是黃秋生的年輕版：「出咗街之後都有朋友問我係咪秋生幫我配，咁就即係成功咗，我哋係想做呢個效果，咁如果話想做到100%當然係搵秋生幫我配，但秋生唔會有咁多時間。」

而馬明被問到與無綫的合約時，他表示只有與公司初步洽商，因他仍與無綫有一段較長時間的合約，亦無聽聞過入房三秒決定續約的事，笑言：「我就冇遇過，可能公司覺得我唔係咁緊要。」