嘉穎展鵬爭視帝　陳凱琳好均真：都有資格

藝人陳凱琳（Grace）出席抗癌慈善活動時，透露自己每晚都會一個人跑步，可以散心和思考。問到會否跟男友鄭嘉穎跟步？她就避談，只表示間中會與媽咪散步，再追問男友是否喜歡跑步？Grace就說：「佢應該少跑步，因為佢膝頭有舊患，同埋佢鍾意打網球。」

提到嘉穎憑《天眼》殺入《TVB馬來西亞星光薈萃頒獎禮2015》的「最喜愛TVB男主角」三強，將與《收規華》張繼聰及《張保仔》陳展鵬角逐視帝，問到睇好誰封帝？Grace即恭喜男友入圍：「知道佢好努力、做戲非常叻，佢好滿足自己嘅演技成就，佢話演戲永遠不停學習，有係獎賞，冇都開心入圍。」說到前緋聞男友展鵬也入圍，希望誰獲獎？主演《張》劇的她笑謂：「冇話想邊個，三位都係做戲好好嘅人，三個都有資格做視帝，所以唔會執着名銜，最緊要做戲開心、繼續努力去做。（冇私心？）我三個都合作過，所以三個值得贏。」