陳凱琳唔效法杏兒快速結婚：個個人唔同

藝人陳凱琳（Grace）、岑麗香及高海寧等，以Tube top背心配牛仔短褲襯黑Boots，到寶琳出席《萬千星輝賀台慶》項目預演，並即場表演雨傘舞。

Grace表示：「跳舞唔係我強項，我呢排要拍嘢都冇乜時間練，會加倍努力去練。（無綫睇重你，畀你做台慶司儀？）咁我起初都係想做主持嘅，多謝公司畀機會我。」

提到胡杏兒拍拖日子雖短，即決定結婚，問Grace會否與男友鄭嘉穎效法？Grace說：「個個人唔同嘅，我祝福杏兒，佢係最啱嘅時間遇到最啱嘅人，係好開心嘅！但我暫時仲係想集中工作，想拍多啲劇集。（嘉穎已經到咗好適婚嘅年紀，佢OK？）我哋大家睇法好自由，歲數係冇所謂，好多人都20歲就結婚，所以年紀唔係問題。」