請黃宗澤去飲 杏兒：相信佢戥我開心
20151108
東網電視
更多新聞短片
杏兒講到明會請Bosco去飲，仲話相信對方會祝福自己。
剛宣布與男友Philip Lee訂婚的胡杏兒，上午於山頂出席慈善步行活動，提到將於12月28日進行婚禮，今日返天津拍劇到月尾的她，大嘆「好唔捨得」，又透露婚事已籌備多月，一切都與未來老公一起搞，也有許多朋友幫手，又謂：「終於知點解啲人揀喺外國結婚，因為簡單好多，雖然好多嘢要處理，但都係開心事。」
問到是否於Ritz Carlton舉行婚宴？她默認道：「好多朋友未請，因為之前未講得住，依家知道就可以call佢哋，希望盡快定人數，大概50圍。」並謂「胡說八道」一眾成員將擔任其姊妹團，伴娘則考慮問家姐是否願意充當，又指正跟Philip學客家話，並即場大晒幾句客家話。
請舊愛嚟飲唔尷尬
正在決定賓客名單的杏兒，被問到會否邀舊愛黃宗澤（Bosco）出席？她大方回應：「會，如果佢得閒，希望佢出席，但我知佢好忙，我生日佢都有send message畀我。（會否尷尬？）唔會，大家都係朋友，相信佢都戥我開心。」對於有網民叫Bosco「搶婚」，她笑謂：「拍戲咩！呢個係現實生活，大家睇得戲太多喇。（老公知你請佢？）知，佢都好支持、好歡迎。」
爆老公想生三胞胎
杏兒又透露婚後會請兩個多月假，跟老公周遊列國度蜜月，更有意前往愛爾蘭及英國，互相了解雙方成長的地方，她更難掩喜悅冧爆道：「佢話有地方想去就好去喇，咪第日唔畀去。（想生BB？）佢好想呀，最好一次過三胞胎，好多人都叫我放心，話會幫我湊小朋友，好緊張，但都係結婚先。」並謂簽約新公司前，已跟老闆蕭定一提及結婚事宜，好讓對方有心理準備，對方亦認為女仔一定要結婚。
「東網巨星」fb專頁：
以抵死角度，分析各大娛樂新聞，加埋識睇一定要睇嘅網民妙論，包保享盡「Fun」秒，快啲入嚟畀Like啦。