楊怡做媒人　馬國明搵女友識煲湯就得

男神馬國明出席劇集《梟雄》宣傳，對於同期出道的胡杏兒宣布婚訊，馬明透露已收到風，但尚未收到喜帖，亦替對方找到終生伴侶高興，自言也在尋覓另一半，他謂：「大家唔好覺得我唔搵，其實積極周圍望緊，緣分呢啲嘢，人揀我，我揀人。（你係筍盤喎！）係你哋畀面安畀我，出面唔覺得係筍呢！（有冇留意有女仔啱？）楊怡話介紹，佢覺得我悶，不過都唔知真唔真，其實圈外內女仔都冇所謂，合眼緣同識煲湯就得，唔可以要求太多，家家有求嘛！最緊要夾！」