網民熱話：日本熟女任你揀
20151108
東網電視
更多新聞短片
咁多位日本熟女，真係好難取捨喎，唔好迫我揀啦～嗚呀～
近排日劇《大人女子》熱播，由向來有「收視女王」之稱嘅篠原涼子擔大旗做女一，吹起咗陣陣熟女風，網民都即刻開post討論，齊齊數出心目中喺日本娛樂圈入面最正嘅熟女！
首先，當然唔可以唔提篠原涼子啦！現年42歲兼身為兩子之母嘅佢keep fit有道，亦唔介意以性感形象演出，成日喺鏡頭前後都大晒驕人身段，呢位E奶美魔女仲被選為「最美乳溝」！早前佢真空上陣出席新片《夠薑師姐the end》活動掀起熱議，之後亮相綜藝節目時仲慘遭諧星主持人「出口術」性騷擾，亦盛傳有出版商出價1億日圓（約650萬港元）誠邀佢拍全裸寫真！篠原涼子10年前同現年66歲嘅市村正親因為合作舞台劇而墮入愛河，雖然當時被指係「小三」介入男方婚姻而唔被睇好，但兩人最終都步入禮堂修成正果，篠原涼子仲為老公誕下兩子，生活幸運美滿，上年市村正親驚爆罹患胃癌，篠原涼子都開腔表明全家人會成為老公嘅支柱，名副其實係滿分人妻！
另外，網民又極力推薦《HERO 2》女星吉田羊，話佢喺劇集《產科醫鴻島》拍埋松岡茉優等後生女旁邊都唔輸蝕！而且吉田羊一向都作風低調，連年齡都未公開過，佢曾經解釋過原因係就算接到女高中生嘅角色佢都有信心駕馭，被觀眾封為「神秘女優」。入行8年嘅佢拍過多套戲劇包括《半澤直樹》，但多數做配角令佢未令人印象深刻，到舊年終於憑《HERO 2》爆紅，日本觀眾仲瘋狂搜尋佢嘅資料，令「吉田羊」3個字當時一度成為日本一搜尋網嘅第一位，經人肉起底後得知舉止優雅嘅佢已經41歲，凍齡了得，果真神乎其技！
其他榜上有名嘅女星仲包括《晝顏》主角吉瀨美智子、「日劇女王」松嶋菜菜子、皮膚白滑身材又勁嘅藤原紀香、90年代當紅女神級演員內田有紀、「國民美少女」出身嘅一線女星米倉涼子等等，唔知你又會揀邊個呢？
網民有話兒：
PeterXXXX：呢期最紅一定係吉田羊啦！
郭大X：記得新《GTO》有一集有吉田羊，超正呀佢！
FishXXX：吉瀨美智子正喎，無敵添呀！
ChaXXX：內田有紀係我細個嗰陣嘅女神。
ManmanXXX：其實黑木瞳都唔差，五十幾歲嚟講佢keep得好好！
一X一隻X：居然冇人講酒井法子？以前好鍾意佢。
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。