真相大白！張智霖冇爆城城大鑊

張智霖（Chilam）早前接受無綫《娛樂3兄弟》訪問，期間談到與好友郭富城相處點滴時，他指二人可以連打十多小時桌球，主持之一的區永權即問道：「咁你哋啲另一半點？」Chilam即醒目神回：「冇我哋嘅另一半，得我嘅另一半。從來冇見過，佢嘅另一半得舞台！」想不到因而一度誤傳Chilam爆城城大鑊，踢爆好友秘密拍拖；而節目昨晚播出後即真相大白。

談到城城未睇節目已着記者不要「質」Chilam食死貓，顯然對好友信心十足。而身在新加坡宣傳的Chilam則笑謂：「梗係啦，大家兄弟嚟嘛。」