音樂會又玩講故仔 麥浚龍自嘲夠慘情
20151109
東網電視
更多新聞短片
麥浚龍透露早前有機會開紅館騷，但因拍《殭屍》所以冇咗！
歌手麥浚龍（Juno）為將舉行的《軒尼詩炫音之樂2015》綵排，即場試唱一首《耿耿於懷》，Juno表示今次的音樂會受邀唱6首歌，當中會包括新歌和舊歌，而且更會將歌曲串成一個故事：「因為新碟本身已經係一個故事，但後尾又發現原來新舊歌加埋又可以有另一故事。」講到新的愛情故事可會與「羅生門三部曲」一樣慘情？他直言：「咁講我好似真係有九成嘅歌都係慘情歌，冇咩開心嘅歌，可能因為我把聲比較適合唱慘歌。」
似宅男匿喺屋企？
Juno坦言已有一段時間沒有在台上演出，除了早前為謝安琪的澳門演唱會擔任嘉賓，最近亦受周國賢邀請做嘉賓：「我之前用咗三年時間做《殭屍》，多謝佢哋扯返我上台，都係唔好成日匿喺屋企。」問到周國賢是否怕他太自閉才請他做嘉賓？Juno表示喜歡與不同的人合作，希望會有更多不同的火花。
最快2017年開騷
另外，問到何時會有屬於他自己的個人騷？ Juno表示在準備電影《殭屍》前曾經有機會做紅館騷，好感恩三年後這個機會仍在：「我都有唔好意思嘅地方，因為下年又要拍戲，最快2017年就會有演唱會，我係個期表上比較煩，我鍾意集中做好一件事先。」
「東網巨星」fb專頁：
以抵死角度，分析各大娛樂新聞，加埋識睇一定要睇嘅網民妙論，包保享盡「Fun」秒，快啲入嚟畀Like啦。