張繼聰新歌以童心感染大家

藝人張繼聰到電台接受訪問，講到新歌《細路祥》，他表示年頭已經計劃推出新歌，暑假時已經做好新歌：「因為今次依首歌係For遲啲開騷，所以做嗰時都係諗要擺喺個騷邊度呢，喺暑假去拍大陸戲前已經做好，所有嘢前期辛苦啲之後就會好快手。」

講到新歌是圍繞張繼聰個人，他表示《細路祥》亦食字「遊樂場」希望大家保持童心：「好多嘢其實都唔使咁認真，好似歌詞講水咁，其實演員就應該似水，做不同角色就係倒入不同器皿。」講到少有歌手會以玩味重的方式去表達自己，張繼聰直言：「太認真好似唔係好啱我，快樂係人嘅天性，比較容易感染人。」