冇人陪食飯　王菀之街邊吔飯盒

導演錢國偉（Wilson）新戲開工，佢呢套新戲有大量出名搞笑嘅演員參與，正式開工首日Wilson就係微博放咗兩張相，一張就見到Wilson同一身好punk嘅Ivana自拍，另一張相入面就有方力申、王菀之、關寶慧、許紹雄、朱咪咪同江美儀係大排檔自拍準備開工。不過好奇怪，Ivana喺自己個微博又放咗張弧伶伶一個食飯盒嘅相，仲留言：「作為一個專業又業餘嘅演員，呢個moment非常重要！」搞到我好想知，Ivana究竟係咩事要咁慘一個人食飯盒先？