伍家謙方健儀Chok爆做Model

前無綫新聞主播伍家謙及方健儀自告別主播生涯後頻頻接工作，吸金能力不容忽視，兩人近日拍檔為一間眼鏡公司當任模特兒拍攝造型照。

平日甚少戴眼鏡的伍家謙試戴一副黑色圓框眼鏡，他笑說：「我靚唔靚仔呀？」方健儀已經招架不住，捧腹大笑。拍攝期間，伍家謙及方健儀一邊寸對方又擺出chok甫，令現場笑聲滿載。當攝影師及店內視光師一致大讚伍家謙眼鏡造型好有型時，方健儀卻暗寸他說：「嘩！呢個邊個嚟架？」