軒仔宣布「昏訊」 修身做王菀之伴娘

20151111
東網電視
更多新聞短片
軒仔搞笑咁話宣布「昏訊」,仲話要keep定fit做伴娘添。
張敬軒出席古巨基的婚宴時接受訪問,他透露原本想送玩具給一對新人,但最後改變主意:「送人情,古生、古太咩都有,本來想送得意嘢,知佢哋鍾意Figure,想買玩具,最後覺得人情適合啲。」
KEEP FIT做姊妹
提到好友王菀之(Ivana)爆婚訊,有指在本月28日與男友Eric So拉埋天窗,軒仔笑言也要公布「婚訊」:「搞到我都想宣布『昏訊』,昏迷個昏。(事前已知?)係知嘅,總之我替佢開心啦,一早戥咗佢開心。」問到屆時會做姊妹還是伴娘?軒仔繼續放笑彈:「可能做姊妹又做伴娘 ,但點都要KEEP咗FIT先,怕到時着唔落條褲。」
笑王菀之「圓」美
對於Eric So早在四月在韓國向Ivana求婚,問Ivana是否第一時間通知他?軒仔說:「又唔係,都係傾開偈講起。(祝佢快啲生B?)我覺得佢兩個都鍾意小朋友,生多幾個啦。」他不忘取笑Ivana的「圓」美身形:「我目測佢『圓周』可以生隊籃球隊出嚟,到時驚佢生到腳軟。」問到是否已留定本月28號出席婚宴?軒仔扮傻稱:「28咩?係咩?我唔知喎,我唔太清楚,總之今個月特別多人生日、結婚,真係要走多幾場騷先得啦。」
而小儀亦有現身古巨基的婚宴,更與新郎自拍,於微博祝福一對新人:「恭喜古生古太!」
「東網巨星」fb專頁:
以抵死角度,分析各大娛樂新聞,加埋識睇一定要睇嘅網民妙論,包保享盡「Fun」秒,快啲入嚟畀Like啦。