古巨基變古Delay？容祖兒捐五位數人情

歌手古巨基與太太Lorraine補擺喜酒，好友容祖兒（Joey）專程從北京趕回香港到賀，她說：「當時我仲求神拜佛要趕得切返嚟，唔好Delay，如果唔係就『古Delay』啦。」問到向一對新人送上甚麼賀禮？她指：「送咗一份有心思嘅禮物，覺得佢兩夫婦都不缺錢，開頭唔知送乜好，所以揀咗特別禮物，就係用咗佢哋名義將人情捐去慈善機構，大約係五位數字。祝佢百年好合，永結同心，早啲生B。」

對於另一好友王菀之（Ivana）爆婚訊，她表示在社交網站得知婚事，心情開心激動，並在Instagram祝福他們。問之前有否聽過對方「好事近」？祖兒大爆好友恨嫁：「聽到佢係好恨嫁，成個勢似想嫁，佢哋好合拍，搵到好啱佢嘅如意郎君，佢哋價值觀相近，又鍾意藝術，好合拍，互相扶持，替佢哋開心。」