君如爆古太感動狂喊：怕妝花背住我哋

吳君如出席古巨基婚宴，問到場面是否很感人？君如表示：「係好感人呀，見到個新娘子Lorraine一直背住我哋，原來佢喊緊，怕喊花個妝畀我哋見到。」君如大讚新娘子好靚，婚紗設計很脫俗，化上淡妝，感覺更靚更清新。

戥菀之開心「另一半好愛佢」

講到王菀之宣布婚訊？君如表示：「好高興，佢另一半好愛佢，佢話我聽金像獎前一晚佢男友求婚，怕佢攞唔到獎，佢攞自己嘅下半生去氹佢，聽到呢吓，就覺得菀之搵到個好男人好愛佢。」君如又謂有問菀之婚後拍戲可有設底線，而菀之答她「睇吓邊條線啦！戲緊係會繼續拍。」問到君如今個月28日是否菀之的婚期？君如笑言：「我唔知喎，佢都未請我，點都好，好高興啦！」