森美爆王菀之主動追Eric So

藝人森美出席信用卡活動，提到好友王菀之宣布婚訊，他表示對方未有通知他，反而是收到朋友的訊息才得知，更大爆是王菀之追Eric So，他說：「早兩個星期同佢做訪問，佢話初初去Eric So個studio睇佢做嘢，睇咗5至6個鐘，仲去咗兩日。第二日走嗰時，仲叫Eric So擁抱佢。所以女仔要追求幸福係要自己主動，好重要。」他透露有傳訊息恭喜王菀之，對方亦有回覆：「佢寫咗一堆英文，似係copy and paste畀好多人嗰隻。」

問到王菀之會否擺酒，他謂：「我都有同小儀傾過，佢好似唔會請飲。（如果請飲你做兄弟姊妹團？）睇張敬軒啦，佢做伴娘我咪做姊妹囉。」