香香亂講成語避談婚事：等神安排
無綫一班小花岑麗香、朱晨麗、高海寧、黃心穎、李佳芯、陳凱琳、蔡思貝、劉佩玥、鄧佩儀、邵珮詩、劉溫馨和龔嘉欣等，昨晚在將軍澳電視城為《萬千星輝賀台慶》「大姐花旦歌舞團」項目綵排，正為新劇《火線下的江湖大佬》練舞獅的香香怕同時練功又要練舞，會混淆舞步。
問香香能否抽時間見男友強強呢？她一臉冧樣笑稱：「唔使講呢啲嘢嘅！（強強跳唔跳得？）講緊我㗎喎！唔知佢得唔得，陣間問問佢。」最近娛圈婚事多，問與男友可有否計劃結婚？香香即時兜圈說：「我諗緊用複雜啲成語講恭喜，白頭到老呀、開開心心咁。（閃婚？）唔會啦，一步步嚟，唔好諗咁遠，等神安排。」
高海寧求CG遮心口
排舞期間，高海寧（高Ling）的踢腿動作被香香和黃心穎比下去，她稱希望透過跳舞拉筋，用柔軟度補救。向來身材好的她得悉舞衣會以緊身Deep V設計時，顯得相當驚訝：「真係？要反映，咁Deep V跳唔到舞。驚走光會冇咁投入，可能要加塊布！（武則天？）到時CG加塊！（之前節目巡禮中失色喎？）畀後生女性感啦，我冇着得Sexy啫，大家都會知㗎啦（指有身材），唔使成日提醒人嘅！」
至於有舞蹈底子的朱晨麗首度參與台慶排練仍有甩漏：「有舞蹈根底，唔想喺台上面做唔到，舞步扭動甚多，非常性感！（試咗台慶戰衣？）緊身裙，我相信大家都好鍾意。（低胸？）有少少V。」
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。