郭少芸文頌嫻梅小惠聚頭搞搞陣

講起郭少芸，大家都一定會諗到《愛．回家》劇中嘅霸氣Angel，但如果加埋文頌嫻同梅小惠，又會諗起咩電視劇呢？呢日郭少芸就係社交網站分享咗同兩位好友嘅合照，仲留言問網友：「二、三、四少奶一齊攪（搞）邊科呢？ 」心水清嘅網民即刻即刻回應話係錦繡良緣入面嘅少奶！原來套劇已經係14年前，但網友就盛讚即使翻睇舊相，佢哋個樣一啲都冇變過，更加稱年屆39歲嘅文頌嫻「凍齡魔女」，之後仲話好掛住好耐冇係螢光幕出現嘅梅小惠添！