歐陽震華激讚胡定欣有女主角氣場

藝人歐陽震華(Bobby）、胡定欣、滕麗名、呂慧儀、羅蘭、胡楓、劉江為無綫新劇《一屋老友記》試造型。問到新劇是否似經典劇《執到寶》？Bobby說：「都係講鬼，《執到寶》太經典，講屋企鬼戲大家都會諗起，但我哋呢套唔會講鬼字，會護老友記，同埋都係搞笑嚇人，唔係驚嚇。」Bobby又大讚首次合作的胡定欣：「證明我仲可以拍住後生女，我仲未開始老，佢又大個女，佢呢幾年進步好大，好有女主角台型，演戲好穩，做咩角色都好清楚。」

擔心頻笑場

對於被Bobby大讚，胡定欣表示：「我會繼續努力，之前撞到傾偈，佢都好鼓勵我，終於等到同佢合作。（會否擔心忍唔住笑，頻頻NG？） 一定會發生，我嘅忍笑功力好低，望住佢都好想笑，Bobby係TVB福將，未同Bobby拍嘢，都已經話33點（收視保證）。」

與陳志雲零聯絡

講到無綫電視前業務總經理陳志雲涉未經同意收取酬勞案，再押後至下月18日判決，胡定欣表示：「冇留意事件。（有冇同陳志雲聯絡？）冇聯絡，以前都係公司做嘢見到，但都希望佢冇事。」