薛凱琪唔敢睇得獎預測：怕失望

歌手薛凱琪（Fiona）到電台宣傳新歌《點水蜻蜓》，提到昨晚通宵拍攝新歌MV，她說：「拍到今朝六點，瞓咗兩個鐘就要開工，所以講嘢會遲鈍啲，今次我做導演同美指，好多嘢要負責，好似搵場地同衫都要理，今次仲超支添。（貼錢？）超支咗三成，公司話始終係拍MV，想負番責任唔想我畀。」隨即詳盡講解新歌故事內容。

對於有傳她將踢走楊千嬅勇奪「叱吒女歌手」銀獎，Fiona說：「每年都會有呢啲報道，我唔會睇，因為怕睇完到時會失望。（有信心？）好老土咁講，我係有信心歌手，攞金銀銅咩顏色都係一個獎，每個獎都係珍貴。」

至於好姊妹王菀之驚爆婚訊，Fiona說：「有WhatsApp恭喜佢，因為我哋（王菀之、吳雨霏、林二汶）有個群組，王菀之特登錄咗段音畀我，話自己嫁咗出去喇，好想喺呢個群組集三個女仔力量祝福我。（笑你未嫁得出？）唔係，係祝福我。（會出席佢嘅婚禮？）未知，因為我遲兩日要去北京拍戲一個月。」