林夏薇擲千萬開第三間分店

無綫小花林夏薇早前踩入飲食界，與幾位朋友合資八位數私己錢連開兩間食肆，眼見生意不俗，薇薇又心思思想擴展，再開第三間分店。基於近期舖位價格回落，水喉充足的她不欲捱貴租，欲把心一橫揼錢買舖。日前《好報》發現薇薇坐Range Rover名車現身蘇豪區睇舖，期間走上舖頭閣樓，打開窗門視察四周環境，又不時以手機拍下舖位內外情況兼講電話，未知是否向老公現場直擊兼詢問意見？幾日後貴為老闆娘的她，現身尚在試業的屯門舖頭，男經理見狀即上前招呼並報告店內情況，又拿出菜單給她過目。

對於豪擲千萬買舖，薇薇受訪時笑言：「都係睇吓先，一切言之尚早，太貴嘅話就租住先，好多嘢未定。（咁快開第三間？）計劃中，係嘅話都會主打造點心。」