Mandy Lieu孖女兒年尾返港過聖誕

模特兒Mandy Lieu的公司拍檔李月出席「軒尼詩炫音之樂」音樂會，她表示跟Mandy有聯絡：「有Whatsapp，佢應該好快返嚟啦，（大概幾時？）嗰時傾可能聖誕嗰時，今年年尾，佢話佢都好掛住香港，想快啲返嚟，（佢返嚟會湊小朋友？定係工作？）呢個我哋都商量緊，可能都會出返嚟做嘢，或者睇吓公司點樣安排，公司都好多嘢等住佢處理，（佢狀態點？）好好，佢喺嗰邊大部分時間都係睇住小朋友，所以都好忙（佢個小朋友會唔會一齊返？）之前話會，但都未confirm，（有冇見過佢個B？）有見過相，好靚女，好得意，好精靈，眼睛大大，白白淨淨，（似番Mandy？）似佢，嘴巴好靚，（佢多唔多share相？）之前有睇過，呢排冇，我諗佢呢排又大個啲，因為BB變化好大。」

李月又透露雷頌德太太Jade加入了她們的公司，她說：「佢本身煮嘢好叻，生完小朋友又keep得好好。」