蔡思貝學歷受質疑　楊婉儀：睇人要睇整體

前港姐楊婉儀（Winnie）以名譽大使出席幫助受家庭暴力及虐待婦孺的慈善活動，談及有關同樣身為港姐的蔡思貝學歷近日備受質疑，Winnie表示沒有留意事件：「我第一次聽，唔太清楚件事，唔方便講。（覺唔覺有欺騙成分而影響港姐形象？）選港姐係人生重要嘅環節，但人生前前後後都係另一部分，好似參與慈善活動都係其中一部分，唔可以用一樣嘢嚟判斷一個人，要睇整體嘅。」

問到當年參選是否很嚴謹檢查自己的資料？她透露說：「係呀，當年我係海外佳麗，曾生佢哋係嚟美國選我哋。（蔡思貝係咪慧妍雅集？）唔清楚。（怕唔怕影響慧妍雅集形象？）慧妍雅集有成30幾年歷史，我唔覺得有任何一個人可以影響到，各位師姐師妹嘅貢獻係大家有目共睹。（有冇開會講呢件事？）暫時唔太清楚，未聽過，我會查吓。」