高海寧頸部驚現「咖哩雞」

無綫「咪神」高海寧（高ling）近日忙於為台慶表演排練，未知係咪求好心切壓力大，凌晨時份佢喺instagram上傳一張戴住口罩嘅相，仲話：「快睡吧！不然病是不會好的！」雖然高ling呢張大頭照收起咗fans一向focus嘅驕人「咪咪」，但係頸上疑似「咖哩雞」嘅紅印就相當搶鏡喇！Fans除咗關心高ling健康之餘，亦都睇到呢撻「咖哩雞」，紛紛留言：「我見到士多啤梨！」、「我見到咖哩雞！」高ling一張自拍相就搞到大家議論紛紛，果然人氣高得驚人！