關詠荷半夜嚇爆張家輝：未見過佢咁驚
20151115
東網電視
更多新聞短片
關詠荷喺張家輝緊鬼故嗰陣嚇佢，真係啱時候。
藝人關詠荷出席「世界心臟日2015心臟健康嘉年華」，他在現場帶領一班「老」友記耍太極，其後獲公公婆婆爭住握手及合照，場面墟冚。提到她十分受歡迎，關詠荷表示：「因為佢哋細個睇我大。（有意復出拍劇？）隨緣啦，冇話唔拍，有人搵，劇本又啱，都係講緣份啦。」
她提到心臟保養時，笑言平日老公張家輝相當百厭，經常會失驚無神嚇她，怎料關詠荷最近來個「大報復」反嚇老公：「佢呢排寫緊鬼故事，成日做到三更半夜，有晚佢寫到好投入，諗住畀佢少少驚喜，我就細聲開門，佢背住我寫嘢嗰陣，我就『喂』一聲！」殊不知爆肌男神張家輝也有細膽一面，被老婆嚇到三魂不見七魄，關詠荷續說：「佢好驚，一擰過嚟冇晒眼神，我未見過佢咁驚，搞到我後悔添。」
其後家輝向太太及女兒下「禁嚇令」，不准再「靠嚇」，關詠荷笑說：「佢唔嚇得，可能太投入寫劇本。（擔心佢太投入？）佢有分數啦。（佢有奇怪行為？）做演員平時都奇怪架啦。」
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。