讚王菀之夠慳家　張敬軒想做大妗姐

歌手張敬軒與好友王菀之（Ivana）為音樂劇進行綵排，問到軒仔是否會擔任Ivana的伴娘？他笑說：「肥胖個胖。（去幫手？）我可以做大妗姐幫佢梳頭。（撒米？）問米我就識！」他又笑言Ivana的外貌上不同了，變得容光煥發。而軒仔坦言正為送甚麼賀禮而煩惱：「呢幾年出啲Event收咗好多coupon，可以送晒畀佢。（寫歌畀佢？）唔會喇，我哋之間好實際，佢哋正式住埋一齊應該都需要添置啲家具嘅。」

王菀之蛻變成「熟」女

他又大讚Ivana慳家，六、七年前轉贈她的傢俬仍未掉。之後軒仔表示以前與Ivana出席活動時會互窒對方，不覺得對方已定性：「我都識咗Eric一段時間，佢好穩重，本身我擔心Ivana太細路女，但呢幾年佢變到好成熟，應該會係好太太。」問到可知道兩人之間的愛稱？他笑說：「佢起啲名唔會太普通，會係好肉麻嗰啲。（佢話食物。）叉燒？（嗌你做咩？）我哋以前有個組合叫排骨與五花腩，佢係五花腩。」

而軒仔認為Ivana這段時間處理傳媒的追訪處理得很好，又希望大家給予他們更多空間：「同事有畀啲報道我睇，寫到好差，呢件始終係開心事，希望大家畀多啲正能量佢哋！」