陳庭欣性感冇底線 3吋深坑小兒科？
20151115
東網電視
更多新聞短片
陳庭欣話台慶當晚行高貴性感，冇特別底線，唔通除咗標誌性嘅「蜜桃胸」之外，仲會有其他驚喜？
無綫一年一度的「重頭戲」《萬千星輝賀台慶》即將在本月19日舉行，被封為「新一代咪神」的前港姐冠軍陳庭欣（Toby）積極「備戰」，日前她專程到晚裝店試戰衣，即場谷盡「蜜桃胸」大晒3吋深坑，務必在「決戰夜」突顯過人的事業心！
帶住卷膠紙喺身
現年28歲的她備受力捧，更獲欽點領軍「U20」做奧運天使，擁34D導彈的Toby望以高貴路線「峰」殺全場：「呢個大日子一年一次，相信全台人都會着到最靚！而性唔性感嘅大前題都係以高貴行先，呢方面冇話set底線喺邊，最重要係搵到條合適嘅裙，千祈唔好走光！（有咩防走光秘訣？）盡量嗰晚唔好跌嘢落地下啦，避免啲太大動作嘅movement同埋自己本身都會攜帶住一卷雙面膠紙，要嚟黐係裙邊感覺會安全啲。」
最羨慕張曦雯夠高
對於「咪神」稱號，Toby笑言感尷尬，更透露最近狂操馬甲線，實行「雙線」發展：「依家最主要想健康啲，最近都做好多運動，又成日跳舞，想去練啲線條出嚟！（對其他咪神點睇？）公司好多同事身材都好靚，尤其呢排成日都見住，大家一齊排舞，最羨慕就係『明珠』女神張曦雯！佢有佢嘅高度，呢樣我恨咗好耐，但呢樣我點做都唔會再有佢咁高，就唯有再keep瘦啲，線條靚啲，依家都有啲馬甲線出咗嚟，但依樣要努力keep住，可能一星期5日都要做足運動，同埋食嘢要控制，所以其實要有唔難，但要keep住就好難！」
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。