周國賢開騷　Juno驚喜現身

歌手周國賢（Endy）假九展舉行音樂會，吸引多位圈中人到場支持，包括謝安琪與老公張繼聰、黃偉文（Wyman）、蔡穎恩、糖妹、張紋嘉、Kellyjackie等，而好友麥浚龍（Juno）、Shine亦有送上花牌支持。

帶上頭盔出場的Endy演唱《漢城沉沒了》打頭陣，唱到中段才把頭盔脱下，接連演唱幾首歌曲後，再化身rock友邊彈結他邊唱搖滾歌曲，成功炒熱現場氣氛！之後戴着黑超的Endy獨自演唱《雷克雅未克》，去到歌曲最後擔任嘉賓的Juno才驚喜現身，兩人合唱《從此世界多了一分鐘》，獲得全場觀眾的掌聲！Endy換上藍色開胸衫再出場，大騷胸肌兼露點，有粉絲更大叫「好大隻呀」、「點解咁吸引㗎」！另一位嘉賓為藍奕邦，兩人演唱完《密封罩》後，再分別彈結他和鋼琴合唱《離開拉斯維加斯》。

穿上藍袖白外套的Endy唱完《極樂》後終於開口說話，他喘着氣笑說：「好耐冇試過做一個騷由頭到尾都冇講嘢，上次太多嘢講，今次畀人落咗禁制令。」他又謂很久沒有試過做大型騷，曾經擔心自己不能重回舞台：「呢排我瞓唔到覺，今晚終於瞓着喇！」Endy表示過去兩年不在香港，公主病一發作便會發表千字文，但現在自己已變得樂觀：「好多謝親戚朋友，有啲唔識嘅人仲會將自己嘅身世講我聽，等我知道自己唔係最慘，感受到好多愛！」之後他點名多謝藍奕邦，表示憶起兩人在地牢寫歌的日子：「佢睇到我狀況唔得，鬧我，我從來冇試過畀歌手鬧，佢係第一個，令我拎番起支結他！」他又指自己已有十年沒有唱情歌，這次重新出發，很感激Wyman為自己填了一份好歌詞。