陳煒願意再露多啲：係馬明就幾盡都得

男神馬國明（馬明）與陳煒出席無綫劇《梟雄》宣傳活動，談到於日前播出的一集，陳煒大露背兼與馬明錫錫，受訪時，馬明搞笑回味：「好正。（陳煒好咀？）好咀就一定好咀。（NG幾多次？）我哋NG唔多，要問導演點解NG咁少次！好開心網上好多反應，好多人話大佬嘅女人好刺激，原來啲網民幻想好豐富。」

被嫌露得少的陳煒則豪氣許下承諾，她笑謂：「下次露多啲囉，有機會先啦。（最大膽可以去到幾盡？）係馬明就幾盡都得！」馬明即興奮回：「咁快啲叫公司開套畀我哋，我都有興趣拍《梟》劇前傳。（同陳煒合作可以去到幾盡？）我可以比佢更盡！我男仔唔通扭扭擰擰咩！」不過，陳煒卻自爆戲外不斷遭馬明調戲。