打足三個月勁「瘀」 胡定欣拍劇用真刀
20151117
東網電視
更多新聞短片
胡定欣於尖沙咀出席無綫劇《城寨英雄》煞科宴。
胡定欣於尖沙咀出席無綫劇《城寨英雄》煞科宴，劇中大部分演員均有打鬥戲份，她笑言陳展鵬位居打得最甘的榜首，不過，當看到剪輯好的影片後，大家都覺得辛苦也值得。只剩一場打戲未拍的定欣鬆一口氣說：「終於都拍完，終於都捱過喇，聽聞呢套係TVB近十年打得最多嘅劇，打咗三個月，依家大家嘅身手都幾好。（練出肌肉？）肌肉不嬲都有，但瘀傷一定有，好在大家都堅持到最後。」
整隻手臂都是瘀傷
定欣又透露拍畢首場打戲，整隻手臂都是瘀傷：「因為要喺石地打筋斗，自己技巧掌握得唔好，所以硬碰硬，手臂瘀咗三撻。（最危險邊幕？）因為我揸雙刀，啲刀有真有假，即使用假刀我都驚整到對手，某程度上都有心理壓力。」
短期內都唔拍打戲
問到定欣男友陳明道（Terry）有否肉痛她受傷？她說：「成班friend見到我都O咗嘴，問我點解搞成咁？佢哋叮囑我一定要小心、唔好夾硬嚟，但大家都想盡自己能力做到最好，加上好多時都冇替身。（男友叫你唔好再拍打戲？）唔使佢講，我哋打完呢套短期內都唔拍打戲住，呢套quota暫時都幾足夠，我又唔係嚇怕，因為都幾辛苦，有好多文戲，情節幾沉重，係有血有汗有淚水。」
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。