為拍剝衫戲　展鵬向袁偉豪請教操肌秘訣

陳展鵬與袁偉豪（Ben）於尖沙咀出席無綫劇《城寨英雄》煞科宴，提到劇中不乏動作場面，展鵬笑稱：「我嘅損傷係冇咗十磅，聲帶都損埋，因為好多激情戲，呢排開始增肥，要食番啲飯落去。」展鵬解釋片中有剝衫情節，為了拍出來更好睇，故刻意節食及向阿Ben請教操肌。記者笑指增肥豈不是令腹肌消失？展鵬說：「腹肌唔好成日有好啲，其實我鍾意肥少少，加上我都唔係太多（肌肉），等再有機會又準備好先再去啦。」

嫌唔夠時間操fit

問到會否怕辛苦不敢再接打戲？展鵬說：「其實我鍾意打戲，呢套係我入行以來，最多動作、最辛苦嘅戲，如果下次再拍，希望畀多少少時間我操fit，因為好倉促，收到通知都唔夠兩個月，天師都難救啦。」

袁偉豪有騷肌場口

向來爆肌的阿Ben直言有騷肌場口，他笑道：「開劇前監製話一定要有肌肉，第一要滿足編劇欲望，第二監製又知我個底係行呢條路線，我操咗兩個月，拍完就放鬆啲、食番多啲。」