陳偉霆30歲牛一　趙麗穎不避嫌送吻祝賀

歌手陳偉霆自近年往大陸發展後，就以「小鮮肉」之名闖出天地，事業如日方中！而11月21日係陳偉霆嘅30歲生日，雖然同歌手蔡卓妍（阿Sa）分手無幾耐，今年冇女友一齊過生日，但人緣甚廣嘅佢就得到一班圈中紅星拍片祝賀佢生日！

當中除咗有最近經常合作嘅前少女時代成員Jessica外，仲有緋聞女友趙麗穎，而台灣藝人郭采潔、前EXO成員張藝興（Lay）及內地導演郭敬明都有份拍片。片中，每個藝人都一致講出生日日期「One One Two One」，最後仲送上飛吻，陳偉霆果然有面子！