阿仔強搶謝安琪　張繼聰自爆變第三者

藝人張繼聰在將軍澳電視城為明晚舉行的無綫《萬千星輝賀台慶》拜神，首次任台慶司儀的張繼聰與經驗豐富的汪明荃、鄭裕玲、陳百祥等前輩合作，阿聰笑說：「佢哋出名準時，如果今晚綵排太晏，我直情喺度瞓，就唔會遲過佢哋，而且佢哋出名轉數快，今晚要瞓得好啲，等個腦轉得順啲。」

呼籲多啲孝順父親

談及夫妻關係，問與大太謝安琪每日會Kiss幾多次？張繼聰說：「我唔敢答，怕有手尾跟！」但自嘲位置被兒子張瞻取代：「依傢我好似變咗第三者咁，長江後浪推前浪，佢哋比較親密啲，有時我都想『插隊』，不過『人哋』喺度親熱，行埋去做咩？希望大家多啲孝順父親。」