何嘉莉再婚讀誓言口窒窒　新郎激動落淚

東網電視

何嘉莉讀出英文誓言時口窒窒，而其老公就感動落淚。

何嘉莉今天與機師男友Gerald在酒店花園設宴結婚，約在下午五時舉行註冊儀式，現場以白玫瑰布置，門口擺放了金色「LOVE」字氣球，現場約有百名親友見證。

一對新人在主持帶領下宣讀誓辭，新郎以流利英文宣誓，接住新娘何嘉莉繼續以英文宣誓，但略嫌緊張口窒窒。

何嘉莉仔仔有到場

之後一對新人再坐下簽紙，期間新娘子表現興奮，笑到四萬咁口與親友揮手，相反新郎就感動得流下男兒淚，並拿住紙巾抹淚，也被影到打喊露「放蚊」，認真笑中有淚。而何嘉莉與前夫所生的兒子亦有到場，兒子由男親友抱住欣賞海景，並手持藍色氫氣球玩耍。其後現場保安驅趕現場記者，並要求離開酒店。

而何嘉莉化妝師朋友就喺社交網站分享咗靚靚新娘嘅正面，二人更大玩自拍，手捧花球嘅新娘子著住簡單白色露肩婚紗，大騷迷人鎖骨，佢亦難掩幸福心情，甜笑望住鏡頭。而他們身後的花園式婚禮亦清晰可見，環境相當優美！

最強娛樂APP《東網巨星》，推出全新遊戲節目《巨星放題》，除咗有謝安琪同陳奕迅擔任星級主持，仲有好多星級參賽者，最新一集係張繼聰，想睇佢同老婆點樣喺個節目度耍花槍？快啲去《東網巨星》App收睇啦！

《東網巨星》App下載連結

on.cc東網