宣萱帶病上陣開唱

藝人宣萱晚上順利演出《我的女神演唱會》演唱會尾場，她表示自己今晚是帶病上陣：「今日起身就發現有啲唔舒服，即刻食咗藥，頂埋個演出先。」她形容今晚有很多朋友到來欣賞，感覺比首場更緊張。

台上宣萱表示會對找尋另一半抱隨緣態度，她受訪時笑言：「我爸爸年紀都好大，以前就成日會催我同哥哥，因為我哥哥都係無生小朋友，但依家已經放棄咗，覺得最緊要我哋開心就得。」