陳凱琳認想攞「飛躍」

無綫一年一度的大型節目《萬千星輝賀台慶》今晚於電視城正式舉行，近二百位藝人均盛裝出場，以行動祝賀無綫48周年台慶！

當中以露背長裙亮相的陳凱琳（Grace）被問到於台慶頒獎典禮的提名中「叫三飛」，Grace直言渴望奪得「飛躍進步女演員」獎項：「多謝，非常開心！如果可以攞『飛躍』獎對我係種鼓勵，我未必做到超班，但得到鼓勵會令我愈進步！」

問到她想不想與男友鄭嘉穎齊齊獲封「視后」、「視帝」？Grace即冧爆大讚男友好叻演戲：「我做視后就冇可能，因為未係時候。（睇好男友攞視帝？）一定睇好佢，佢拍戲好叻同好有心！」