唐詩詠唔請洪永成食飯：唔夠數呀！

藝人唐詩詠於《萬千星輝賀台慶》的「終極超強大獎」抽獎環節中得第二名，獲得20萬港幣獎金獎品，獲獎後的她笑到見牙唔見眼，一眾同事更把其緋聞男友洪永成推上前與詩詠平排，場面惹笑，事後詩詠透露宣布獲獎一刻懵然不知，直至田蕊妮不斷望着她才醒覺。

問到如何用該筆獎金？詩詠謂：「一拎到之後20幾個人叫我請食飯，不過都開心嘅！」提到她於「人疊疊衝衝衝」環節不慎仆到，洪永城也緊張上前照顧，詩詠對此謂：「撞到吓啫，佢問我有冇事，我OK！依家都冇事啦！（咁你單獨請佢食飯？）唔獨立請啦，唔夠數呀！（頭先成班同事推洪永城去你度喎！）我睇唔到，當時望住叻哥。（你當佢冇到？）佢不停問我點用啲錢囉！」