【大不同】周海媚溫碧霞美魔女出巡

影星周海媚和溫碧霞同是1966年出生，生日只相差四個多月，齊齊於今年踏入49歲，雖然兩人都保養得宜，身材和樣貌未有走樣，絕對算得上是美魔女一族，但作風卻相當不同，周海媚樸素行街齋睇唔買，溫碧霞則有落地僅個多月、價值130多萬的名車候命管接管送。

素顏睇化妝品

近年主力在內地發展的周海媚，拍下不少受歡迎的劇集，與比她年輕七歲的建築師男友更是感情穩定，不惜長時間居於內地，日前難得回港，她以一身全黑打扮現身銅鑼灣，簡單地戴上黑框眼鏡，連妝亦懶得化，只見她在男友人陪同下行化妝品專櫃，逐個品牌慢慢研究，又被售貨員氹到哈哈大笑，不過全程齋睇冇幫襯，相當忍得手。

司機開門恭迎

至於下嫁富商何祖光的溫碧霞，結婚15年恩愛不減，樂得做幸福少奶奶，間中挑選喜愛的作品演出。日前記者發現溫碧霞悉心打扮現身金鐘高級酒店，貴氣的她優雅地邊講電話邊步出，此時一輛落地僅個多月、以其公司名義登記、價值130多萬的瑪莎拉蒂名車已停在門外不遠處，司機急急落車為她開車門，待她安坐後才駛走，絕對有闊太派頭。

最強娛樂APP《東網巨星》，推出全新遊戲節目《巨星放題》，除咗有謝安琪同陳奕迅擔任星級主持，仲有好多星級參賽者，最新一集係張繼聰，想睇佢同老婆點樣喺個節目度耍花槍？快啲去《東網巨星》App收睇啦！

《東網巨星》App下載連結

Android App - http://goo.gl/GqQlC2

iOS App - http://goo.gl/ItozKI