陳豪自爆做「大閘蟹」：到時畀我啲仔

藝人陳豪（Moses）以御藥堂代言人身份到港交所出席公司掛牌上市儀式，首次進入港交所的Moses表示感覺非常良好，更稱會視今日一眾生意人為榜樣，希望生意可以愈做愈好，問他是否有自己的生意做到上市？他笑言：「個距離好似長咗啲，要做好個業務先。」

提到股票投資，Moses就笑言自己是「大閘蟹」，是失敗的例子，從而令自己更為謹慎：「投資係需要，尤其教育下一代，教佢哋點打理，控制自己嘅財富，增加自己嘅財富。（投資為小朋友？）絕對，小朋友係我哋嘅將來。」

雖然Moses笑言自己買「藍籌」都跌，不過他認為策略最要緊：「坦白講，冇放過就冇蝕，冇放過亦冇賺過！十年後可能個價又唔同呢，放長線，到時可能係畀我啲仔。（老闆陳恩德配股畀你？）調番轉我冇問呢啲，見到佢哋業績做得咁好都好開心，自己又有份做代言人，喜上加喜。」

提到昨晚公布的視帝后選名單，Moses以無綫劇集《鬼同你OT》有份角逐，他表示以平常心面對，同時睇好《梟雄》的黃秋生，說：「唔洗做啲戲都喺晒度。（你自己？）我反而希望兩位女主角（田蕊妮、胡定欣）是但一個攞（視后），另外希望部劇可以攞。」