韓國晒恩愛　周杰倫昆凌閃親網友

台灣天王周杰倫（周董）同太太昆凌（Hannah）近日都開始一連串嘅復出工作，令到啱啱做媽媽嘅昆凌自然少咗時間同愛女「小周周」Hathaway相處，搞到佢日前喺內地錄節目時，竟然因為見到有BB熟睡而諗起異地相隔嘅囡囡，更情緒失控當場爆喊！

出名錫老婆嘅周董就梗係即刻要出招氹番愛妻，噚晚網上就流出咗網民喺韓國野生捕獲周杰倫同昆凌嘅相，其中一張相仲見兩人手拖手行街，相當甜蜜！相中見身穿綠色軍裝外套嘅周董雖然戴上墨鏡同口罩，但身影依然掩不住明星光芒，一眼就畀路人認出啦！