黃日華嫌秋生講上海話唔夠原汁原味

藝人黃日華到高爾夫球練習場出席「足球高爾夫運動日」，初嘗用腳打高爾夫球的滋味，一向足球球技了得的他就笑言自己踢波揮灑自如，但對高爾夫把握力不高：「希望開波斬過去，四腳之內搞掂啦！」

對睇電視冇感覺

提到老友、「五虎」之一的湯鎮業為無綫拍攝的劇集《梟雄》大獲好評，日華就笑言自己好像只看過半集：「其實睇電視冇乜感覺㗎喇依家，秋生突然間講上海話就覺得唔係咁舒服，馬明配音都唔係好習慣，可能聽慣咗。（原汁原味好啲？）原汁原味好啲，你話如果所有演員都係上海話，一係就全部講晒廣東話。」

未有看畢中港大戰

作為「明星足球隊」代表之一的他郤未有看畢周二的中國對香港的全場賽事，惟他對兩隊都表示支持，直言：「實力上中國隊高啲，中國隊呢兩場波，完全冇運囉，兩場波加埋有7、8次中柱，如果好運就贏晒嘅，香港隊個鬥志就高啲，廣大支持，踢出高兩成波，打和就香港隊好彩啦。」

而提到中國隊就入球爭議上訴，黃日華都認為從電視角度理應判入，另外亦不希望有人再對中國國歌喝倒采：「希望大家都尊重番我哋中國國歌。」